ජනක බණ්ඩාර තෙන්නකෝන්, මර්වින් සිල්වා, රාජිතසේනාරත්න, සාලින්ද දිසානායක යන අමාත්‍යවරුන් මෙන්ම මධ්‍යම පළාත් සභාවේඅමාත්‍යවරයෙකු සහ මන්තී‍්‍රවරුන් දෙදෙනෙකු ඊට එක්ව සිටියා. මෙම පිරිසප‍්‍රථමයෙන්ම අස්ගිරි මහා විහාරය වෙත ගොස් අස්ගිරි පාර්ශවයේ මහනායකඅතිපූජ්‍ය උඩුගම ශී‍්‍ර බුද්ධරක්ඛිත නාහිමියන් සමඟ සාකච්ඡ කරනු ලැබුවා.
සාකච්ඡාව ආරම්භ කිරීමට පෙර එම ස්ථානයෙන් ඉවත්ව යන ලෙස හමුව ආවරණය කිරීමටපැමිණි මාධ්‍යවේදීන්ගෙන් අමාත්‍ය මර්වින් සිල්වා ඉල්ලීමක්ද කළා.
සාකච්ඡාවෙන් අනතුරුව මාධ්‍යවෙත අදහස් දැක්වු රාජිත සේනාරත්න අමාත්‍යවරයා කියා සිටියේ බොදුබල සේනාසංවිධානයේ මහ ලේකම්වරයාට එරෙහිව නීතිමය පියවර ගැනීමට තමන් ගත් තීරණයද මහනාහිමියන් අනුමත කළ බවයි.
අනතුරුව අමාත්‍ය මර්වින් සිල්වාද මාධ්‍යවෙත අදහස් දක්වා සිටියා. අමාත්‍යවරයා කියා සිටියේ බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥාණසාර හිමියන් සිදුකරන ඇතැම් ප‍්‍රකාශ භික්ෂූන්වහන්සේ නමකට සුදුසු නොවන බවයි. මේ නිසා තමන් උන්වහන්සේගේ ක‍්‍රියාකලාපයටවිරෝධය පළ කරන බවද සඳහන් කළා.මීට දින කිහිපයකට පෙර අවස්ථාවකදී බොදු බල සේනා සංවිධානයේ නියෝජිත භික්ෂූන් වහන්සේලා ප්‍රමුඛ එම සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන් මල්වතු මහ නායක අති පූජ්‍ය තිබ්බටුවාවේ ශ්‍රී සුමංගල හිමියන් බැහැ දැක ආශීර්වාද ලබා ගත්තේ සිය වැඩපිළිවෙල ඉදිරියට ගෙන යෑමේ අරමුණිනි.
.jpg)
.jpg)
0 comments:
Post a Comment