කොළඹ විශාකා පාරේ පිහිටි කොස්මැටික් සර්ජරි ක්ලිනික් නමැති මෙම රූපලාවණ්‍යාගාරයෙන් මෙකී වෛද්‍යවරියට ප්‍රතිජීවක එන්නතක් ලබාදී ඇති බවත් ඉන් අනතුරුව එම එන්නත විසවීම හේතුවන් ඇය මියගොස් ඇති බවත් පොලිස් මාධ්‍ය ප්‍රකාශක කාර්යාලයේ නිලධාරියෙක් සඳහන් කළේය. මෙම රූපලාවණ්‍යාගාරය, ශ්‍රී ලංකාවේදී වෛද්‍ය උපාධිය ලබා ඇමෙරිකාවේදී විශේෂ පුහුණුවක්ද ලැබූ වෛද්‍යවරයකු විසින් පවත්වාගෙන ගොස් ඇති බවද එම නිලධාරියා පැවසීය.
මේ සම්බන්ධයෙන් පොලිස් මාධ්‍ය ප්‍රකාශක ජේ‍යෂ්ඨ පොලිස් අධිකාරි අජිත් රෝහණ මහතාගෙන් කළ විමසීමකදී ඔහු පවසා ඇත්තේ මියගිය අය කොළඹ රිජ්වේ ආර්යා ළමා රෝහලේ සේවය කරනු ලැබූ 47 හැවිරිදි පී.ඒ. ප්‍රියංගනී නමැති වෛද්‍යවරියක බවයි.
ඇය පුරුද්දක් වශයෙන් කලක සිට මෙම රූපලාවණ්‍යාගාරයට පැමිණ ප්‍රතිකාර ලබාගෙන ඇති බව අනාවරණය වන බව ඒ මහතා පැවසීය.
සමේ පැහැපත්කම වැඩි කිරීම, මේදය ඉවත් කිරීම, රූපලාවණ්‍ය සත්කාර යනාදී ප්‍රතිකාර මේ ස්ථානයේදී සිදු කෙරෙන බව සඳහන් වේ.
මේ සිද්ධියට අදාළව එම වෛද්‍යවරියට ප්‍රතිජීවක ලබාදුන් වෛද්‍යවරයා අත්අඩංගුවට ගැනීමට කටයුතු කර නොමැති බවත් ඒ පිළිබඳව වැඩිදුර විමර්ශන කටයුතු බම්බලපිටිය පොලිසිය විසින් පවත්වනු ලබන බවත් හෙතෙම වැඩිදුරටත් සඳහන් කළේය.
.jpg)
.jpg)
0 comments:
Post a Comment