අහසට වෙඩි තිබ්බ ප්‍රභූ ආරක්ෂකයට ගං ගුටි

රත්තොට අල්වත්ත ප්‍රදේශයේ සෙනසුරාදා (03) රාත්‍රී පැවති මංගල උත්සවයකට පැමිණි ප්‍රභූ ආරක්ෂක නිලධාරියෙකු ගිනි අවියකින් අහසට වෙඩි තබා කළ බිය වැද්දීමකදි ගමේ තරුණයින්ගෙන් ගුටි පූජාවකට මුහුණපෑමට සිදුවීමේ සිද්ධියක් පිළිබදව අල්වත්ත ගමෙන් වාර්තා වේ. තම මිතුරෙකු වූ තරුණයෙකුගේමංගල උත්සයට ප්‍රභූවරයා නොමැතිව පැමිණ ඇති ප්‍රභූ ආරක්ෂක නිලධාරියා මංගල උත්සවයට පැමිණ සිටි තරුණයෙකුගේ
හිසට පිස්තෝලය තබා බියවද්දා අහසට වෙඩි තැබීමෙන් අනතුරුව ගමේ තරුණයින් මෙම නිලධාරියාට පහර දී ඇත.
මංගල උත්සවයට පැමිණ සිටි කිසියම් අයෙකු විසින් හදිසි පොලිස් ඇමතුම් අංක 119 ට සිද්ධිය පිළිබදව දැන්වීම නිසා කන්දේනුවර පොලිස් නිලධාරින් පැමිණ සාමය කඩවීම වලක්වා ගෙන තිබේ . ප්‍රභූවරයා නොමැතිව නිල ගිනි අවිය රැගෙන ගොස් ගමේ කොල්ලන් බිය වැද්දිමට තැත්කර ගමේ කොල්ලන්ගෙන් ගුටි කෑ පුවත පිළිබද තොරතුර වසන් කිරීමට කටයුතු කරන බවට වාර්තාවේ.