මිය ගිය දොස්තරට දුන් එන්නතේ හැටි කියයි

බම්බලපිටියේ රූපලාවන්‍යාගාරයක දී එන්නතක් විදීමෙන් මියගිය වෛද්‍ය පී.ඒ.ප්‍රියංගි මහත්මියට  දුන්නායැයි පවසන සෙෆරොක්සි නමැති ඖෂධය රූපලාවන්‍ය   සඳහා කිසිසේත්ම භාවිතයට නොගන්නා ප්‍රතිජීවක ඖෂධයක් බව රුහුණ විශ්ව විද්‍යාලයේ අධිකරණ වෛද්‍ය විද්‍යා අංශ ප්‍රධානී විශේෂඥ අධිකරණ වෛද්‍ය යූ,සී.පී.පෙරේරා මහතා පවසයි.
ඔහු   පවසන්නේ මෙවැනි ඖෂධයක් ඇයට ලබා දීමට හේතුව කුමක් ද යන්න පිළිබඳ වැඩිදුරටත් සොයා බැලිය යුතු බවයි.
වෛද්‍ය පෙරේරා මහතා මෙසේ ද කීවේය.
‘මෙය පෙනිසිලින් කාණ්ඩයේ නූතන නිෂ්පාදනයක්. පෙනිසිලින් කියන්නේ බොහෝ අයට ආසාත්මිකතා ඇති කරණ නමුත් ඉතා බහුලව භාවිතා කරන ඖෂධයක්. පෙනිසිලින් කාණ්ඩයේ නූතන නිෂ්පාදනවල අතුරු ආබාධ ඉතා අඩු වුවත් අතුරු ආබාධ නැතැයි කිව නොහැකියි. සාමාන්‍යයෙන් පෙනිසිලින් කාණ්ඩයේ ඖෂධයක්  දීමට පෙර එය ලබන තැනැත්තාට ආසාත්මිකතා තිබේදැයි පරීක්ෂා කරනවා. මියගිය තැනැත්තිය වෛද්‍යවරියක් ද වීම නිසා ඇය තමන්ට ආසාත්මිකතා තිඛෙන බව නොදැන සිටියායැයි සිතිය නොහැකියි. කෙසේ වෙතත් මෙවැනි ඖෂධයකින් ආසාත්මිකතාවක් ඇති වුවහොත් එය ඉතා වේගවත් මරණයක් විය හැකියි. මෙතැන දී සිදුව තිඛෙන්නේත් එවැනි මරණයක්. ‘
විශේෂඥ අධිකරණ වෛද්‍ය පෙර්රා මහතා පවසන්නේ එම වෛද්‍යවරියට එන්නත් දෙකක් ලබා දී ඇත බවද වාර්තා වනව බවයි. ඒ එන්නත් දෙකම සෙෆරෙක්සි  ද වෙනස් එන්නත්   දෙකක් ද යන්න සොයා බැලිය යුතු බව ද ඔහු  පවසයි.