හිරගෙදර දී වෙනම පිරිසක් සැකකාරියන්ගේ ඇදුම් ගලවනවා

හිර ගෙදරදී  බන්ධනාගාර නියාමකවරියන් නොවන අය සැකකාරියන්ගේ  ඇඳුම් ගලවා ඔවුන් සෝදිසි කරතියි  නීතීඥ ගුණරත්න වන්නිනායක මහතා කොළඹ අතිරේක මහේස්ත්‍රාත් ඒ එම් සහාබ්දීන් මහතාට පැමිණිලි කළේය.
බම්බලපිටියේ සම්බාහන ආයතනයක ගණිකා වෘත්තියේ යෙදවු බව කියන තායි කතක ඇතුළු කතුන් 14 දෙනෙක් වෙනුවෙන් පෙනී සිටි  නීතීඥවරයා පැවසුයේ ඔවුන් එම ආයතනයේ    සම්බාහන කණ්ඩායමේ සාමාජිකයින් බවයි.
සිරකාරියන් බාරව සිටි නියාමකවරියන්ගෙන් මහේස්ත්‍රාත් ප්‍රශ්න කළේ  හිර ගෙදරදී සිරකාරියන්ගේ ඇදුම් ඉවත් කැර  පරීක්ෂා කරන්නේද යන්නයි.
නියාමකවරියක පැවසුයේ රාජකාරියේ යෙදී සිටින හමුදා නිලධාරිනියන් එසේ කරන බවයි.
බම්බලපිටිය පොලීසිය උසාවිය හමුවේ කියා සිටියේ සම්බාහන ආයතන මුවාවෙන් මෙතැන ගණිකා නිවාසයක් පවත්වාගෙන ගොස් ඇති බවයි.