සිත් තැවුලට හේතුව මවිසින් රචිත ගීතයක් පිළිබඳව වැරදි අර්ථ කථනයක් එහෙමත් නැත්නම් වැරදි ප්‍රචාරයක් දියත් කර හැරීම.
මේක මුලින්ම මට අහන්න ලැබුණේ අවුරුදු තුන හතරකට කලින්. එදා එක්තරා පුද්ගලයෙකු විසින් අන්තර්ජාලය ඔස්සේ මගේ “ගහක මල් පිපිලා” ගීතය පිළිබඳව වැරදි වැටහීමකින් යුතුව ලියා තිබෙනවා මම දැක්කා.
එහි සඳහන්ව තිබුණේ “ගහක මල් පිපිලා” ගීතය සමලිංගිකයන් වෙනුවෙන් ලියැවුණු ගීතයක් ලෙසිනුයි.
එදා මම ඒක ගැන එච්චරටම හිතුවේ නැහැ. නිර්නාමිකව ලියා තිබුණු නිසා කිසිදු ක්‍රියාමාර්ගයක් ගන්න හිතුවෙත් නැහැ.
නමුත් පසුගිය දිනෙක එක්තරා සතිඅන්ත පුවත්පතක ඉතා හොඳින් මේ ගීතය ගැන සඳහන් කරලා අර විදිහම අර්ථකථනයක් කර තිබුණ.
ඇත්තටම මේ වැරදි අර්ථ කථනය දුටු මොහොතේ මම හුඟක් කලබලයට පත්වුණා. ඒ වගේම සිත් වේදනාවක් හට ගත්තා.
කරුණාරත්න දිවුල්ගනේ ගායන ශිල්පියත් ඔබට කතා කළා?
ඔව්... ඔහු කතා කළෙත් හිත් වේදනාවෙන්. බොහෝ අය කතා කරලා ඊළඟට මගෙනුත්, දිවුල්ගනේ මහතාගෙනුත් මේ පිළිබඳව විමසා සිටියා.
මෙන්න මේ වෙලාවේ ඔවුන්ගේ ඉල්ලීමක් පිළිගෙන තමයි මම මේ වෙනුවෙන් කතා කරන්න හිතුවේ.
ඔබ නීති මගින් මේ සම්බන්ධව ක්‍රියා කරන්න හිතුවා එහෙම නේද?
ඔව්. අදාළ පුවත්පත් කර්තෘතුමා සමග මම මේ පිළිබඳව
මුලින්ම කතා කළා. මේ ගීතය සමලිංගිකයන් වෙනුවෙන් ලියැවුණු බවට තිබෙන සාධක මොනවාදැයි අහලා ඒ පිළිබඳව සුහදව කතා කළා.
අවසානයේදී එම කතුවරයා යම් නිවැරදි කිරීමක් කරන්න කැමැත්ත පළකළා. ඒ අනුව තමයි නීතිය ඉදිරියට නොයන්න තීරණය කළේ.
කොහොම වුණත් මම මගේ ගීත රස විඳින අයට කියනවා මේ ගීතය ආදරය ගැන ලියැවුණු ගීතයක් මිස විෂමාචාර අදහසකින් ලියැවුණු එකක් නොවන බව.
ඒ වගේම මේ ගීතය ගැන බොහෝ අය මේ වැරදි අර්ථ කථනයත්
සමග වාද විවාදවල පටැලවුණා. ඔවුන් අපට ආදරය කරන අය. ඉතිං ඒ අයටත් මම මේ මොහොතේ ස්තුති කරනව.
ඔබේ අලුත් තොරතුරු මොනවාද?
මේ දිනවල සුපුරුදු විදිහට මම දිවුල්ගනේ, චන්දන ලියනාරච්චි වගේම අලුත් පරපුරේ ගායක ගායිකාවන් සඳහා ගීත ලිව්වා. මගේ දියණිය ප්‍රතිභා ප්‍රභා වෙනුවෙනුත් ගීත කීපයක් ලිව්වා. ඊට අමතරව මෙවරත් යොවුන් නවකතාවක් මම ලිව්වා. ඒකත් මුද්‍රණය කරන්න බාර දෙන්නයි හිතාගෙන ඉන්නේ.
ඒ වගේම මම මේ මොහොතේ මගේ රසික රසිකාවියන්ගෙන් එක ඉල්ලීමක් කරනවා. ඒ තමයි අපි ගීතයක් ලිව්වහම ඒක ගැන විවිධ වැරදි අර්ථකථන ඕනෑම කෙනෙකුට ගෙන එන්න පුළුවන්. හැබැයි ඒක ඇත්ත නමෛයි. ඒ නිසා ඒවාට රැවටෙන්න එපා කියල.
.jpg)
.jpg)
0 comments:
Post a Comment