මුස්ලිම් ප්‍රජාව අතර භීතිය පැතිර විය හැකි ආකාරයේ කෙටි පණිවුඩ (SMS ) යැවූ බවට එල්ල කෙරුණු චෝදනා මත අත් අඩංගුවට ගැනුණු මුස්ලිම් ජාතිකයින් හතර දෙනෙකු රිමාන්ඩ් භාරයේ තැබීමට කොළඹ මහේස්ත්‍රාත් අධිකරණය නියෝග කරයි.
සැකකරුවන් අධිකරණයට ඉදිරිපත් කරමින් කරුණු දැක්වූ රහස් පොලිසිය කියා සිටියේ මුස්ලිම් ජනතාව භීතියට පත් කරවන ආකාරයේ කෙටි පණිවුඩ බෙදා හරිමින් පවතින බවට ලැබුණු තොරතුරක් මත පරීක්ෂණ ආරම්භ කළ බවයි.
අදාළ කෙටි පණිවුඩ, අත්අඩංගුවට පත් වූ සැකකරුවන්ගේ ජංගම දුරකථන වලින් යවා ඇති බව අනාවරණය වී ඇති බව සඳහන් කල පොලිසිය, ඒ සමඟ ජාත්‍යන්තර සම්බන්ධයක් ඇත්දැයි සොයා බලා පරීක්ෂණ පැවැත්වීමට අවශ්‍ය හෙයින් සැකකරුවන් රිමාන්ඩ් භාරයට පත් කරන මෙන් ඉල්ලා සිටියේය.
හිතවතුන් අතර කෙටි පණිවිඩ
ඊට විරෝධය පළ කළ විත්ති පාර්ශවයේ නීතිවේදීන් අධිකරණය හමුවේ කියා සිටියේ විත්තිකරුවන් සිදු කර ඇත්තේ කුවේට් රාජ්‍යයේ සිටින තම මිතුරකු එවූ කෙටි පණිවුඩයක් තම හිතවතුන්ට යොමු කිරීම පමණක් බවයි.
පසුගිය තිස් වනදා 'ලංකා ඊනිව්ස් වෙබ්' අඩවියේ පළ වූ පුවතක් මෙම කෙටි පණිවුඩය සමග අමුණා තිබූ බව සඳහන් කළ විත්ති පාර්ශවයේ නීතිඥ එම්.එම්.සුහයිර් එය වරදක් වන්නේ කෙසේදැයි ප්‍රශ්න කළේය.
‘මේ ප්‍රවෘත්තිය මුලින්ම පළ කර තිබුණේ ලංකා ඊනිවුස් වෙබ් අඩවියේ. එම වෙබ් අඩවියට විරුද්ධව ක්‍රියාමාර්ග නොගන්නා රහස් පොලිසිය මෙම සැකකරුවන් අත් අඩංගුවට ගැනීම නීති විරෝධියි.’ යනුවෙන් පැවසූ නීතිවේදි එම්.එම්.සුහයිර්, රජය මුස්ලිම් ජනතාව මෙසේ පීඩාවට පත් කරන්නේ ඇයි දැයි ප්‍රශ්න කරයි.
බස්නාහිර පළාත් සභා මන්ත්‍රී මුජිබර් රහ්මන් අදහස් දක්වමින් කියා සිටියේ ජාත්‍යන්තර වශයෙන් අප්‍රසාදයට පත් වෙමින් සිටින රජය, සත්‍යය තොරතුරු බෙදා හරින පුද්ගලයන් බිය ගැන්වීම සඳහා මෙවැනි අත්අඩංගුවට ගැනීම් සිදු කරන බවයි.
සැකකරුවන් අගෝස්තු දහඅට වනදා දක්වා රිමාන්ඩ් භාරයේ තැබීමට නියම කල අධිකරණය එදිනට පරීක්ෂණවල ප්‍රගතිය දැක්වෙන වාර්තාවක් ඉදිරිපත් කරන මෙන් පොලිසියට නියම කළේය.
.jpg)
.jpg)
 යැවූ බවට එල්ල කෙරුණු චෝදනා මත අත් අඩංගුවට ගැනුණු මුස්ලිම් ජාතිකයින් හත...){kind=link}
0 comments:
Post a Comment