අමාත්‍ය මර්වින් සිල්වා තම හිතවතකු බව පවසමින්,
අනුරාධපුර පුරාවිද්‍යා කාර්යාලයේ නිලධාරීන්ටද තර්ජනය කොට තම්මැන්නා කන්දේ ඉදිකළ නිවෙසක දරු පවුලක් පදිංචි කරවීමට එම හිමිනම ක්‍රියා කර ඇති බවද ඔවුහු පෙන්වා දෙති.
ඉපැරැණි ආරාම පද්ධතියකට අයත් සංඝාවාසයක නටබුන්, ටැම් ලිපි, ගිරි ලිපි, ගල්ලෙන් සහ ස්තූප ආදියට මෙන්ම වටිනා ශාකවලටද මෙම ඉදිකිරීම් නිසා හානි වී ඇතැයි ප්‍රදේශවාසීහු පවසති.
මෙම විනාශය රටට හෙළි කිරීම සඳහා ඒ පිළිබඳ සොයා බැලීමට එහි ගිය 'මව්බිම' මාධ්‍යවේදියාටද මම මර්වින් සිල්වා ඇමැතිතුමාගේ හිතවතෙක්, මාත් එක්ක හැප්පෙන්න එන්න එපා යැයි පවසමින් එම හිමිනම තර්ජනය කොට ඇත.
අතීතයේදී මහ රහතුන් පවා වැඩසිටි බවට ජනප්‍රවාදයේ එන තම්මැන්නා කන්දේ ඓතිහාසික නටබුන්වල ඡායාරූප සී. ඩී. පටවලට දමා ඒවා කොළඹ ප්‍රදේශයේ පුද්ගලයකු අතට පත් කිරීමට කටයුතු කරමින් සිටින බවද වාර්තා වේ.
මේ භික්ෂුව තමන්ගේ හිතවතකු දැයි අමාත්‍ය මර්වින් සිල්වා මහතාගෙන් කළ විමසුමකදී ඒ මහතා මෙසේ කීය.
'අනේ මම එහෙම භික්ෂුවක් ගැන දන්නෙත් නෑ. එයට මගේ කිසිම සම්බන්ධයකුත් ඇත්තෙත් නෑ. ඒවගේ අයට එරෙහිව රාජකාරිය හරිහැටි කරන්න. මම නීතිවිරෝධී වැඩවලට විරුද්ධයි.'
ඓතිහාසික තම්මැන්නා කන්දේ අනවසරයෙන් පදිංචි වී අනවසර ඉදිකිරීම් කරනා මෙම භික්ෂුවගේ අත්තනෝමතික ක්‍රියා කලාපය පිළිබඳ 'මව්බිම' කළ විමසීමකදී ජාතික උරුමයන් පිළිබඳ අමාත්‍ය ආචාර්ය ජගත් බාලසූරිය මහතා පැවැසුවේ මෙවැන්නකි.
ආරණ්‍ය සේනාසනයක් යැයි පවසමින් මේ භික්ෂුව ඓතිහාසික තම්මැන්නා කන්දේ අනවසර ඉදිකිරීම් කරන බව අපට වාර්තා වුණා. අප කළ සොයා බැලීම්වලට අනුව මේ භික්ෂුව තම්මැන්නා කන්දේ පුරාවස්තුවලට හානි පමුවා ඇති බව තහවුරු වුණා. අනුරාධපුර ප්‍රාදේශීය පුරාවිද්‍යා කාර්යාලය හරහා මේ පිළිබඳ කැබැතිගොල්ලෑව පොලිසියට පැමිණිල්ලක් කර තිබෙනවා. ඉදිරියේදී පොලිසිය මඟින් පුරාවිද්‍යා ආඥා පනත යටතේ මෙ භික්ෂුවට එරෙහිව නඩු පවරනවා.
කෙසේ වෙතත් මේ පිළිබඳ 'මව්බිම' කළ විමසීමකදී කැබිතිගොල්ලෑව පොලිසියේ නිලධාරියකු පැවැසුවේ එවන් පැමිණිල්ලක් මෑත කාලීනව කැබිතිගොල්ලෑව පොලිසියට ලැබී නැති බවයි.
.jpg)
.jpg)
0 comments:
Post a Comment