හිරු TV බලය සජීවී දේශපාලන වැඩසටහනට ඌව මැතිවරණයට පෙර සහභාගී වෙමින් උදය ගම්මන්පිල මහතා හරීන් ප්රනාන්දු මහතාට මෙම අභියෝගය එල්ල කළා.
එදින වැඩසටහන උණුසුම් ලෙස ගලාගෙන යද්දී එක් තැනකදී උදය ගම්මන්පිල මහතා හරීන් ප්රනාන්දු මහතාට කියා සිටියේ "පුළුවන්නම් 50000ක් ගනනා" ලෙසයි. එසැනින් අභියෝගය භාරගත් හරීන් ප්රනාන්දු මහතා,මේ සඳහා වැඩසටහනේ සිටින සියළුම දෙනා සාක්ෂි දරණ ලෙසත් ඉල්ලා සිටියා.
වාදය උණුසුම් වූ අතර ගම්මන්පිල මහතා මෙම අභියෝගයට තවත් වචන කිහිපයක්ද එක් කරමින් කියා සිටියේ එකදු පෝස්ටරයක් හෝ නොඅලවා මෙම අභියෝගය භාර ගන්නා ලෙසයි. එම වැඩසටහනට අණ්ඩු පක්ෂය නියෝජනය කරමින් සහභාගී වූ ඇමති විජිත් විජයමුණි සොයිසා මෙයට මැදිහත් වෙමින් පැවසුවේ හරීන්ට හැකිනම් 50000ක් අරගෙන පෙන්වන ලෙසත් ඒ වෙනුවෙන් කවුරුත් ඉවත් විය යුතු නැති බවත්ය.
කෙසේ වෙතත් මැතිවරණයේදී හරීන් පුනාන්දු මනාප 173,993 ක් ලබා ගැනීමින් එම අභියෝගයට වඩා තුන්ගුණයක් මනාප ඉක්මවා යාමට සමත් වීම සමඟයි නැවතත් මෙම අභියෝගය කරළියට පැමිණියේ.
එම බලය සජීවී දේශපාලන වැඩසටහනේ වීඩියෝව පහතින් බලන්න.
Post by Lanka day.com.
