බාලවයස්‌කාර අවුරුදු 17 හා 18 වයසේ පසුවන තරුණයන් රක්ෂිත බන්ධනාගාර ගත කිරීමට සුදුසු නොවන බව විවෘත අධිකරණයේදී ප්‍රකාශ කළ විනිසුරුවරිය එක්‌ අයකුට රුපියල් 50,000 බැගින් වූ රුපියල් ලක්‍ෂ දෙකක ශරීර ඇපමත මෙසේ මුදාහැරියේ දොඩන්ගොඩ, කළුතර, කැටගහහේන, නෑහින්න ප්‍රදේශවල පදිංචි තරුණයන් සිවුදෙනෙකි. මෙම පාසල් ශිෂ්‍යාව දූෂණය කිරීමට රැගෙන ගිය බව කියන දොඩන්ගොඩ රෝයල් ගාඩ්න් ලැගුම්හලේ කළමනාකරු වන ඉෂාර ජයලත් නමැත්තාව මෙම මස 28 වැනි දින දක්‌වා රක්ෂිත බන්ධනාගාර ගත කරන ලෙසද විනිසුරුවරිය නියෝග කළාය.
කළුතර කොට්‌ඨාස ළමා හා කාන්තා කාර්යාංශයේ ස්‌ථානාධිපති පොලිස්‌ පරීක්‍ෂක මල්කා කුමාරි මහත්මියට ලැබුන තොරතුරක්‌ මත කළුතර නියෝජ්‍ය පොලිස්‌පති සුමිත් එදිරිසිංහ, කළුතර ජ්‍යෙෂ්ඨ පොලිස්‌ අධිකාරි රංජිත් කොඩිතුවක්‌කු, සහකාර පොලිස්‌ අධිකාරි සුගත් ගලගමගේ (දැනට මොනරාගල හා කළුතර සහකාර පොලිස්‌ අධිකාරි සමන්ත වෙදගේ යන මහත්වරුන්ගේ උපදෙස්‌මත කළුතර කොට්‌ඨාස ළමා හා කාන්තා කාර්යාංශය දොඩන්ගොඩ පොලිසිය විසින් සැකකරුවන් අත්අඩංගුවට ගෙන තිබිණි.
කළුතර ප්‍රදේශයේ පාසලක ඉගෙනුම ලබන මෙම ශිෂ්‍යාවගේ මව විදේශගතව ඇතැයිද පියා පාසල් බස්‌ රථයක සේවය කරන අතර තම ආච්චි ළඟ සිටින බව දැරිය පොලිසියට ප්‍රකාශ කරන ලදැයි අධිකරණයට ඉදිරිපත් කළ වාර්තාවේ දැක්‌ වේ.
මෙම දැරියගේ නිරුවත් ඡායාරූප අඩංගු සංයුක්‌ත තැටියද ජංගම දුරකථන කිහිපයක්‌ද සැකකරුවන් ළඟ තිබී සොයාගත් බව පොලිසිය අධිකරණයට ඉදිරිපත් කළ වාර්තාවේ දැක්‌ වේ.
දොඩන්ගොඩ පොලිස්‌ ස්‌ථානාධිපති පොලිස්‌ පරීක්‍ෂක ලසන්ත බුද්ධික, කළුතර කොට්‌ඨාස ළමා හා කාන්තා කාර්යාංශයේ ස්‌ථානාධිපතිනිs පොලිස්‌ පරීක්‌ෂිකා මල්කා තුෂාරි යන නිලධාරින් සැකකරුවන් අධිකරණයට ඉදිරිපත් කළ අතර සැකකරුවන් වෙනුවෙන් නීතිඥවරු වන සුසන්ත ජයසිංහ, තිස්‌ස විඡේසිංහ, ගාමිණී නල්ලපෙරුම යන මහත්වරු ඇතුළු නීතිඥවරු පිරිසක්‌ පෙනී සිටියහ.
.jpg)
