පවතින ගැටුම් නිරාකරණය කිරිම සඳහා ක්‍රිකට් සභාපතිවරයා සහ ලේකම්වරයා නැවත වරක් තමන් හමුවට කැඳවීමට තීරණය කළ බව ක්‍රීඩා අමාත්‍ය මහින්දානන්ද අලුත්ගමගේ මහතා පවසයි.

ස්පෝර්ට්ස් ෆස්ට් කළ විමසීමකදී ක්‍රීඩා අමාත්‍යවරයා පැවසුවේ එම කැඳවීම ලබන සඳුදාට යොදා ගෙන ඇති බව ය.

එයින් පසුව ත් ක්‍රිකට් සභාපතිවරයා සහ ලේකම්වරයා එක්ව වැඩ කිරීමට පියවර නොගතහොත් ක්‍රිකට් පාලක මණ්ඩලය විසුරුවා හැර ඊට අතුරු පාලක මණ්ඩලයක් නම් කරන බව ද ක්‍රීඩා අමාත්‍යවරයා පැවසිය.

ඔහු අවධාරණය කළේ, එළැඹෙන ලෝක කුසලාන ක්‍රිකට් තරගාවලිය සැළකිල්ලට ගනිමින් එම තීරණය ගන්නා බව ය.