තරඟ මුදල් ගෙවීමේ ප්‍රමාදයක් නිසා බටහිර ඉන්දීය කොදෙව් කණ්ඩායම තම ඉන්දීය සංචාරය අතරමඟ නවතා දැමීමත් සමඟ ශ්‍රී ලංකාවට ඉන්දියාවේ තරඟ සංචාරයක යෙදීමේ ආරාධනාවක් ලැබුණා. මේ සඳහා ක්‍රිකට් බලධාරීන්ගෙන් යහපත් ප්‍රතිචාරයක් හිමිවුනා.

කෙසේ නමුත් ලබන මස පළවැනිදා සිට ශ‍්‍රී ලංකාව සහ ඉන්දීය කණ්ඩායම අතර පැවැත්වීමට හදිසියේ තීරණය කළ එක්දින තරගාවලිය සම්බන්ධයෙන් කුමාර් සංගක්කාර සිය කනස්සල්ල පළකර ඇති බවයි වාර්තා වන්නේ

ඔහු ට්විටර් පණිවුඩයක් මගින් සඳහන් කරන්නේ මෙම සංචාරය හේතුවෙන් සති 6 ක් තිස්සේ කි‍්‍රයාත්මක ශ‍්‍රී ලංකා කි‍්‍රකට් කණ්ඩායමේ පුහුණුවීම් හදිසියේ නතර කිරීමට සිදුවීම කණගාටුවට කරුණක් බවයි.

මේ නිසා මාසයක් පුරා කි‍්‍රයාත්ම කිරීමට නියමිතව තිබූ පුහුණු කටයුතු එක් සතියක් තුළ සිදුකිරීමට තමන්ට සිදුවී ඇති බවයි ඔහු වැඩිදුරටත් පෙන්වා දෙන්නේ. එළඹෙන ලෝක කුසලාන කි‍්‍රකට් තරඟාවලිය ඉලක්ක කර ගනිමින් හිටපු රග්බි ක‍්‍රීඩක චන්ද්‍රශාන්ත් පෙරේරා සමග මේ වනවිටත් ශ‍්‍රී ලංකා කි‍්‍රකට් ක‍්‍රීඩකයින් ශාරීරික අභ්‍යාසවල නිරත වනවා.

කෙසේ නමුත් ලබන මස පළමුවැනිදා සිට 15 වැනිදා දක්වා එක්දින තරඟ 5 කින් යුත් තරඟ සංචාරයක් සඳහා ශ‍්‍රී ලංකා කණ්ඩායම ඉන්දියාව බලා පිටත්ව යාමට නියමිතයි.

සංගක්කාරගේ ට්විටර් පණිවුඩය පහතින්...