ඔහු සිය රහස් කාමරය ලෙස සකස් කරගෙන ඇත්තේ විද්යාලයේ ශිෂ්ය භට නිවස්නයේ කාන්තාවන් සඳහා වෙන් කළ කොටසකි. එම කාමරයෙහි ජනේල් වීදුරු සියල්ලම කඩදාසි
අලවා ආවරණය කර ඇතැයිද පැවසේ.
ඇඳක්, ගෑස් කුකරයක්, රෙදි සෝදන යන්ත්රයක් ඇතුළු ගෘහ උපකරණ රාශියක් විදුහල්පතිවරයා මෙම කාමරයට ගෙනැවිත් ඇතැයිද තතු දත් අය කියති.
මෙම කාමරයේ යතුරු සියල්ලම විදුහල්පතිවරයා භාරයේ පවතින බවත් ඔහුගේ සමීප හිතවතුන්ට මිස අන් අයට එම කාමරයට ඇතුළුවීමටවත් ඉඩ නොදෙන බවත් වාර්තා වෙයි.
වත්මන් විදුහල්පතිවරයා ඇතුළු ඔහුගේ හිතවතුන් මත්පැන් පානය කිරීම සඳහා මෙම කාමරය යොදාගන්නා බවටද වාර්තා වන අතර මෙම කාමරය තුළ විවිධ දුරාචාරයන් රැසක් සිදු වන බවද මයුරපාද විද්යාලයේ ආදි සිසුහු කියති.
මේ නිසා විද්යාලයේ කාන්තා ශිෂ්ය භට සිසුවියෝ ඇඳුමක් හෝ මාරුකරගැනීමට ස්ථානයක් නොමැතිව අසරණ වී සිටිති. නාරම්මල මයුරපාද විද්යාලය සතුව ස්ථීර විදුහල්පති නිල නිවාසයක් පවතින විටදී සහ එය කිසිවකු පදිංචිවීමෙන් තොරව හිස්ව තිබියදී මෙම නිවස්නයේ කොටසක් භාවිතා කිරීමද විශේෂයකි.
